декабря 13, 2018

Jamg’arma haqida

O’zbekiston Respublikasi Tiklanish va taraqqiyot jamg’armasi iqtisodiyotning yetakchi, eng avvalo bazaviy tarmoqlarini modernizatsiyalash va texnikaviy qayta qurollantirish loyihalari amalga oshirilishini ta’minlash, mamlakatni muttasil, barqaror va mutanosib ravishda ijtimoiy-iqtisodiy rivojlantirishga erishish, shuningdek, samarali tarkibiy va investitsiyaviy siyosatni amalga oshirish maqsadida O’zbekiston Respublikasi Prezidentining 2006-yil 11-maydagi PF-3751-son Farmoniga muvofiq 2006-yilda tashkil etilgan bo’lib, O’zbekiston Respublikasi Vazirlar Mahkamasi huzuridagi moliyaviy muassasa hisoblanadi.

Tiklanish va taraqqiyot jamg’armasi, birinchi navbatda istiqbolli, ammo yetarlicha rivojlanmagan mintaqalarda ishlab chiqarish va noishlab chiqarish infratuzilmasini shakllantirish bo‘yicha ijtimoiy jihatdan ahamiyatli milliy davlat dasturlari va loyihalari amalga oshirilishini moliyalashtirish, respublikaning xalqaro kommunikatsiyalar tarmog‘iga integratsiyalashuvi uchun shart-sharoitlar yaratadigan, xalqaro transport yo‘laklari va jahon bozorlariga eng qisqa yo‘l bilan chiqishini ta’minlaydigan transport hamda telekommunikatsiyalar infratuzilmasini modernizatsiyalash va rivojlantirishni moliyalashtirish kabi vazifalarni amalga oshiradi. Shuningdek, Tiklanish va taraqqiyot jamg’armasi xalqaro moliya institutlari, respublika va xorijiy mamlakatlarning kredit muassasalari bilan loyihalarning qo‘shma moliyalashtirilishini tashkil etishda ishtirok etishi mumkin.

O‘zbekiston Respublikasi Hukumati O‘zbekiston Respublikasi Moliya vazirligi orqali Jamg‘armaning muassisi hisoblanadi. Jamg‘armani boshqarish bo‘yicha O’zbekiston Respublikasi Bosh vaziri boshchiligidagi Kengash Jamg‘armaning yuqori boshqaruv organi hisoblanadi.