«O‘zbekiston – 2030» strategiyasi yangi tahrirda tayyorlandi

O‘zbekiston Respublikasi Prezidenti Shavkat Mirziyoyev o‘z Murojaatnomasida joriy yil 26-dekabrda "O‘zbekiston - 2030" strategiyasini qayta ko‘rib chiqish vazifasini qo‘ygan edi.

2023-yilda qabul qilingan dasturiy hujjat iqtisodiyotning barcha soha va tarmoqlarida keng ko‘lamli o‘zgarishlarga zamin yaratdi.

So‘nggi yillardagi o‘zgarishlar va erishilgan natijalarni inobatga olib, «O‘zbekiston – 2030» strategiyasining takomillashtirilgan loyihasi ishlab chiqildi.

O‘zbekiston Respublikasi Prezidenti topshirig‘iga muvofiq, mamlakatimizning kelgusi besh yillik taraqqiyotiga bag‘ishlangan ushbu hujjat keng jamoatchilik muhokamasi, aholining fikr va istaklari asosida takomillashtiriladi.

Shu munosabat bilan, Strategiya loyihasi maxsus Uzbekistan2030.uz sayti  va regulation.gov.uz platformasiga  joylashtiriladi. Barcha yurtdoshlarimizni muhokamada faol ishtirok etishga, o‘z fikr va takliflarini bildirishga taklif etamiz.

Strategiya loyihasi bo‘yicha savol va takliflaringizni (71) 239-49-38, 
(71) 239-49-44 raqamli koll-markaziga info@asr.gov.uz elektron manziliga yuborish mumkin.